Instagram izohlariga avtomatik javob qanday sozlanadi

Avtomatik javob nima qiladi

Qoida ikki qismdan iborat: qachon ishga tushsin va nima qilsin. Ishga tushish sharti — izohda ma'lum so'z uchrashi (masalan «narx», «qancha», «kerak») yoki har qanday izoh. Amal esa uchtadan biri bo'ladi.

• Izohga javob yozish — hamma ko'radi, boshqa odamlar ham savolini takrorlamaydi.
• Shaxsiy xabarga o'tkazish — narx va shart-sharoit yozishmada aytiladi, raqobatchi ko'rmaydi.
• Fayl yuborish — narxlar ro'yxati, katalog yoki qo'llanma PDF sifatida boradi.

Instagram qoidasi: shaxsiy xabar yozish uchun odam sizga birinchi bo'lib murojaat qilgan bo'lishi kerak. Izoh ham murojaat hisoblanadi va undan keyin 7 kun davomida xabar yozish mumkin.

Qanday sozlanadi

1. 1Instagram akkauntini ulang — rasmiy Meta oynasi orqali, parol MediaPilot'ga ko'rinmaydi.
2. 2«Avtomatlashtirish» bo'limida yangi qoida yarating.
3. 3Kalit so'zlarni yozing yoki «har qanday izoh» ni tanlang.
4. 4Javob matnini yozing yoki AI javob bersin deb belgilang.
5. 5Qoidani yoqing va o'z akkauntingizdan sinab ko'ring.

Tayyor matn va AI javobi orasidagi farq

Tayyor matn har safar bir xil bo'ladi va bepul tarifda ham ishlaydi. AI javobi esa savolni o'qib, katalogingizdagi narxni topib javob beradi — bu Standard tarifidan boshlab ochiladi.

Nechta qoida bo'lishi mumkin

Bepul tarifda 3 ta, Standard tarifida 15 ta qoida. Gold va Premium tariflarida qoida soni cheklanmaydi. Bir qoidaga bir nechta kalit so'z yozish mumkin, ya'ni 3 ta qoida ham ko'p holatni qoplaydi.

Qanday xatolar ko'p uchraydi

• Kalit so'z juda tor: «narxi qancha» deb yozasiz, mijoz esa «pochom» deb so'raydi. Bir nechta variant yozing.
• Barcha izohga bitta javob: reklama postidagi savol bilan oddiy maqtov bir xil javob oladi. Kalit so'zsiz qoidani oxirgi zaxira sifatida ishlating.
• Yopiq profil: bunday odamga shaxsiy xabar bormaydi. Shu holat uchun izohda javob qoldiradigan qoida qo'shing.